Trajneri i Aston Villa, Unai Emery, ka bërë të qartë se synimi i tij i radhës është të fitojë një trofe me skuadrën pas rikthimit historik në Champions League.
Spanjolli, i cili mori drejtimin e skuadrës në tetor të vitit 2022 pas shkarimit të Steven Gerrard, ka udhëhequr ekipin nga vendi i gjashtëmbëdhjetë drejt arritjeve të mëdha brenda një periudhe të shkurtër. Nën udhëheqjen e Emery, Aston Villa e kishte përfunduar sezonin 2022-23 në vendin e katërt, duke siguruar pjesëmarrjen në Champions League për herë të parë pas dyzet e një vitesh. Tani pesëdhjetë e dy vjeçari ka përqendruar energjitë e tij në sjelljen e një trofeu për klubin, një arritje që mungon që nga fitorja e League Cup në vitin 1996.
“Kanë kaluar dy vite që kur kam ardhur këtu dhe kemi qenë shumë kërkues. Gjithmonë kemi synuar të përmirësohemi në çdo moment që kemi punuar së bashku”, ka thënë Emery në prag të ndeshjes së radhës kundër Bournemouth.
Ai ka theksuar se, megjithëse objektivat e tij fillestare janë arritur, mbetet ende shumë punë për të bërë. “Objektivi ynë i parë ishte të luanim në Evropë dhe të ishim në top shtatë. Tani, ëndrra ime është të fitoj një trofe”, ka shtuar Emery./rtk
Fisnik Asllani i pandalshëm, realizon dy gola në fitoren e s...
Xuxi u tregon banorëve se u arrestua Ilir Meta, reagimi i Re...
“Duhet ta ndalojmë”, Fermin Lopez paralajmëron kërcënimin e ...
Protesta e opozitës më 29 tetor shtrihet në akset kryesore t...
Ndikimi i shtetasve të rinj amerikanë tek zgjedhjet
India dhe Gjermania nënshkruajnë planin për prodhimin e hidr...